Ásthildur Garðarsdóttir

Fræðsla - ráðgjöf - markþjálfun

Lífslyst býður upp á fræðslu um jákvæða sálfræði, samskipti, streituþol og styrkleika og hefur haldið fjölda fyrirlestra og námskeiða til dæmis fyrir vinnustaði, félagasamtök, verkalýðsfélög, klúbba og geðræktarmiðstöðvar.

Hafa samband

Ásthildur er ráðgjafi, markþjálfi og jógakennari hjá Lífslyst og er með yfir tuttugu ára reynslu af fræðslu og ráðgjöf meðal annars í grunnskólum og starfsendurhæfingu. Hún hefurbrennandi áhuga á mannrækt og velsæld einstaklinga og leggur áherslu á heildræna nálgun á huga og líkama. Sérhæfing hennar liggur á sviði þátta sem snúa að hugarfari, heilbrigðum tengslum og aðferðum sem auka velsæld, sjálfstraust og bjartsýni einstaklinga.

MENNTUN:
- Meistaragráða; jákvæð sálfræði – 2018
- B.Ed gráða – 2001

VIÐBÓTARMENNTUN:
- Jógakennari - 2024
- Bjargráðaþálfi – 2023
- Joga Nidra og Yin Jóga kennsluréttindi – 2022
- ACT meðferðarformið, grunnnám – 2022
- Markþjálfi – 2021

Jákvæð sálfræði

Jákvæð sálfræði er í stuttu máli sagt vísindi um ákjósanlegt mannlegt atferli og virkni (e. function) – það er að segja, vísindi um það hvernig fólk þrífst og hvað þarf til að því farnist vel.

Hlutverk jákvæðrar sálfræði er að auka velferð einstaklinga (e. well-being). Velferð snýst ekki um að vera alltaf ánægð og líða vel, heldur einnig að kunna að bregðast við neikvæðum tilfinningum og erfiðleikum sem upp koma í lífinu.

Markþjálfun

Markþjálfun er samspil markþjálfa og marksækjanda í skapandi ferli sem hvetur marksækjanda til að koma auga á og nýta betur hæfileika sína og möguleika til að blómstra í lífi og starfi.

Hlutverk markþjálfa er að leiða okkur áfram með spurningum sem fá okkur til að horfa inn á við og sjá hlutina og okkur sjálf í nýju ljósi – Spurningar sem hjálpa okkur að ná utan um og móta viðfangsefni, átta okkur á hvað við viljum og draga fram það besta í okkur.

VIA styrkleikar

Tveir af upphafsmönnum jákvæðu sálfræðinnar, Peterson og Seligman, komu fram með VIA skapgerðarstyrkleikana. Athygli þeirra beindist að því að finna dygðir og gildi sem lagt gætu grunn að aukinni velferð út frá áherslum jákvæðu sálfræðinnar.

VIA styrkleikar eru mannkostir sem búa í okkur og segja til um hver við erum sem manneskjur – þeir eru innra afl sem hefur tengingu við gildin okkar.

ACT

ACT meðferðarformið byggir á tengingu við núið og gildin okkar samhliða getu til að taka á móti öllum þeim áskorunum og verkefnum sem mæta okkur í lífinu.

Markmið ACT er að auka sveigjanleika og hæfni til að dvelja meðvitað í núinu og taka á móti hugsunum, tilfinningum, minningum og skynjun augnabliksins með
athygli á að hafa stjórn á hegðun og atferli og halda tengingu við gildin sín.

Yoga Nidra

Yoga Nidra er öflug slökunar- og hugleiðslutækni sem hjálpar okkur að draga úr streitu og kvíða, bætir svefn og skapar jafnvægi.

Markmið Yoga Nidra iðkunar er að róa hugann, ná djúpri slökun og skapa frjálst flæði orku um líkamann, sem gerir honum kleift að heila sig. Með því að róa huga og taugakerfi nær líkaminn að slaka á og endurnæra sig – sem er nauðsynlegt mótvægi
við amstur og hraða hversdagsins.

Umsagnir

  • Helga

    Námskeiðið fór fram úr öllum mínum vonum og væntingum. Fræðslan var áhugaverð og lögð fram á persónulegan máta, augljóst var að Ásthildur talaði af reynslu. Ég kom heim með hjartað fullt af þakklæti og auðmýkt og augun opnari fyrir fegurð náttúrunnar og tilbúin að sjá alla litlu hlutina í kringum mig og njóta þeirra í núinu. Efnið frá Ásthildi mun ég pottþétt nýta mér bæði í einkalífi og starfi.

  • Móðir 14 ára stelpu

    Ég horfi á stelpuna mína vaxa, hún er orðin miklu öruggari með sig og lætur kvíðann sjaldnar stoppa sig. Þetta er svo mikil uppbygging, ekki bara verið að skoða hvað þarf að laga. Hún þekkir betur styrkleikana sína og er hætt að spá eins mikið í hvað aðrir eru að hugsa.

  • Lilja

    Þetta námskeið ætti að vera skyldunámskeið hjá þeim sem eru í starfsendurhæfingu. Þetta dýpkaði skilning minn á styrkleikum mínum og vanköntum sem koma upp á. Ásthildur kemur efninu vel frá sér. Hún kemur vel undirbúin og full af fróðleik sem hún vill deila með okkur. Þetta námskeið kemur öllum við. Ég myndi segja að það gæti verið fyrirbyggjandi gagnvart kulnun í starfi, einkalífinu og líka í mannlegum samskiptum. Þessi fræði eiga heima á öllum vinnustöðum, félagasamtökum og heimilum. Það verður að opna fyrir þennan fróðleik. Komdu með framhaldsnámsskeið!
Hafa samband