Markþjálfasamtöl ganga út á að leiða marksækjanda að sínum innsta kjarna og áhugahvöt. Þú færð speglun sem hjálpar þér að átta þig á styrknum og
hæfileikunum sem þú býrð yfir og opnar augu þín fyrir möguleikum og leiðum til að móta nýja stefnu.

Samtalið byggir á spurningum sem leiða þig áfram, fá þig til að horfa inn á við og sjá hlutina í nýju ljósi – Spurningar sem hjálpa þér ná utan um og móta viðfangsefni, átta þig á hvað þú vilt og draga fram það sem í þér býr.

Fyrir hverja?

Einstaklingssamtölin henta þeim sem vilja brjóta upp gömul vanamynstur, sjá og virkja styrkleika sína og yfirvinna þætti eins og fullkomnunaráráttu og sjálfsefa.

Aukinn sjálfsskilningur og sjálfskærleikur er leiðarljós ásamt því að efla kjark og þor til að standa með sér og gildum sínum og leyfa sér að blómstra.

Unnið er með þætti sem snúa að hugsunum, tilfinningum, athöfnum og samskipum út frá óskum og þörfum hvers og eins.