Í þessum fyrirlestri er fjallað um samskipti og tengsl bæði við okkur sjálf og aðra og grunnþættir árangursríkra samskipta skoðaðir. Fjallað er um mikilvægi uppbyggilegra samskipta með áherslu á:

• virka hlustun og forvitni
• að lesa í tilfinningar bak við orð
• að takast á við álag
• að standa með gildum sínum og vera hluti af heild

Við skoðum módel sem hjálpa okkur að átta okkur á ósjálfráðum varnarviðbrögðum og hvernig aukin sjálfsþekking hjálpar okkur að ná tökum á þeim og setja heilbrigð mörk undir álagi eða þegar eitthvað kemur upp á í samskiptum.
 
Við förum yfir hvernig einelti/samskiptavandi þróast ef við erum ekki meðvituð og hvernig við getum lagt okkar af mörkum til að byggja upp jákvæða vinnustaðamenningu með auknum skilningi á samskiptastíl, egói, taugakerfi og viðbrögðum. 

Við skoðum einnig hvernig við getum nýtt verkfæri jákvæðrar sálfræði, styrkleika, virka hlustun og mildi til að auka sjálfstraust og efla heilbrigð tengsl.

Umfjöllunarefni

• árangursrík samskipti og samskiptafærni
• virkri hlustun og líkamstjáning
• egó, taugakerfi og streitulosun í flóknum samskiptum
• sjálfstraust, metnaður og mörk

Ávinningur

• aukið sjálfstraust og metnaður
• aukin færni að lesa í tilfinningar og líkamstjáningu
• aukin færni í að koma skilaboðum skýrt og fallega á framfæri
• aukin sjálfsvirðing og skýrari mörk