Námskeið og fyrirlestrar

Fræðsla og verkfæri sem styðja vellíðan, sjálfstraust og uppbyggilegsamskipti.

Lífslyst býður upp á fyrirlestra, námskeið og vinnustofur þar sem þátttakendur fá verkfæri til að draga úr streitu, styrkja sjálfstraust og byggja upp heilbrigðari samskipti.

Áhersla er lögð á að efla sjálfsþekkingu og hjálpa fólki að þekkja eigin styrkleika, skilja tilfinningar og bregðast við á uppbyggilegan hátt þegar álag eða áskoranir koma upp.

Markmiðið er að styðja fólk í að rækta bjartsýni, innri styrk og meiri lífsgleði.

Hægt er að skipuleggja fyrirlestra og námskeið eftir þörfum og áherslum mismunandi hópa, til dæmis fyrir vinnustaði, félagasamtök og aðra hópa sem vilja efla vellíðan og samskipti.

Hafa samband

Fyrirlestrar

Aukin vellíðan – bætt samskipti

Í þessum fyrirlestri skoðum við hvernig samspili hugar og líkama getur haft áhrif á líðan, samskipti og sjálfsöryggi.
Við skoðum hvernig aukinn skilningur á starfsemi og tengingu hugar, tilfinninga, líkama og taugakerfis getur dregið úr neikvæðum áhrifum streitu og hættu á yfirkeyrslu.

Nánar

Árangursrík samskipti & sjálfstyrking

Í þessum fyrirlestri er fjallað um samskipti og tengsl bæði við okkur sjálf og aðra og grunnþættir árangursríkra samskipta skoðaðir. Fjallað er um mikilvægi uppbyggilegra samskipta með áherslu á:

- virka hlustun og forvitni
- að lesa í tilfinningar bak við orð
- að takast á við álag
- að standa með gildum sínum og vera hluti af heild

Nánar

Námskeið

Aukin seigla og sjálfsumhyggja

Námskeiðið byggir á aðferðum sem hjálpa okkur að halda jafnvægi á huga og tilfinningum með því að auka skilning og þekkingu á huga, taugakerfi, skynjun og tilfinningaviðbrögðum. Við skoðum módel úr jákvæðu sálfræðinni og ACT sem nýtast til að byggja upp seiglu, aukið sjálfsöryggi og heilbrigðari tengsl bæði við okkur sjálf og aðra.

Nánar

Frá ótta til hugrekkis

Leiðir til að styrkja sjálfstraust og lifa í samræmi við eigin gildi

Námskeiðið fjallar um ótta og hvernig við stjórnumst mörg af honum í okkar daglega lífi. Við veltum fyrir okkur ótta, skömm og sjálfsmati. Ótta fylgja líkamleg, sálfræðileg og andleg einkenni sem við getum lært að þekkja og afkóða til að styrkja og bæta geðheilsu og líðan.

Nánar

Heilbrigð samskipti og mörk

Námskeiðið fjallar um samskipti, tengsl og tengslamyndun og hvernig atferli og viðbrögð hafa áhrif á þróun samskipta. Við skoðum virka hlustun, tilfinningaviðbrögð og kveikjur og hvernig atferli okkar og viðhorf geta skipt sköpum í þróun samskipta.  

Nánar

Leið að betri líðan

Sjálfsefling og árangursrík samskipti

Á þessu námskeiði færðu innsýn og verkfæri sem hjálpa þér að styrkja þig og byggja upp jákvæðari og árangursríkari samskipti.

Lögð áhersla á að efla sjálfstraust, seiglu og innra jafnvægi með auknum skilningi á huga, taugakerfi, tilfinningum og viðbrögðum.

Nánar

Samskipti og sjálfsmynd barna

Lífslyst býður upp á fræðslu fyrir þá sem vinna með börn og vilja efla uppbyggileg samskipti og styrkja jákvæða sjálfsmynd þeirra.

Á fyrirlestrum og námskeiðum er lögð áhersla á að skapa tilfinningalegt öryggi í
samskiptum og styðja börn í að þróa sjálfstraust, samkennd og trú á eigin getu.

Nánar

Umsagnir

  • Jóhanna, deildarstjóri

    Kyngimagnað ferli, ég fékk útskýringu á ýmsum þáttum sem ég hef unnið með í margra ára sjálfsvinnu, á nýjan hátt. Námskeið hjá Ásthildi hefur kveikt í mér neista að útfæra kærleiksríka nálgun á vinnustaðnum og gaf mér ný rök fyrir því af hverju ég er að berjast fyrir bættum starfsaðstæðum í mínu sveitarfélagi.

  • Ragna

    Þetta var eitt fróðlegasta námskeið sem ég hef farið á. Virkilega fróðlegt og skemmtilegur andi, og allt svo skilningsríkt og öllu vel skilað. Þetta klárlega opnaði mikið nýtt fyrir mér. Takk kærlega fyrir mig.

  • Svava, aðstoðarleikskólastjóri

    Frábært námskeið. Maður vissi ekki hvað tímanum leið. Sem segir mér að þetta var létt og skemmtilegt en á sama tíma fróðlegt og mjög gefandi. Ásthildur hefur góða nærveru og kemur með góð dæmi úr eigin reynslu. Mæli með fyrir alla sem hafa áhuga á að vinna í sjálfum sér eða í hóp, t.d. starfsmannahóp.