Námskeiðið byggir á aðferðum sem hjálpa okkur að halda jafnvægi á huga og tilfinningum með því að auka skilning og þekkingu á huga, taugakerfi, skynjun og tilfinningaviðbrögðum. Við skoðum módel úr jákvæðu sálfræðinni og ACT sem nýtast til að byggja upp seiglu, aukið sjálfsöryggi og heilbrigðari tengsl bæði við okkur sjálf og aðra.

Við veltum fyrir okkur streitu, streituviðbrögðum, sjálfsumhyggju og dómhörku. Einnig hvernig hægt er að núllstilla sig, temja sér jákvæðara og mildara viðhorf í eigin garð og standa með sér og innri gildum þegar á reynir. Þátttakendur kynnst aðferðum sem vinna með taugakerfinu, hjálpa okkur að átta okkur á og aftengjast óheppilegum hugsana- og vanamynstrum og ná stjórn á varnarviðbrögðum með því að taka eftir og gangast við öllum okkar tilfinningum og hugsunum. Við skoðum hvaða þættir hjálpa okkur að byggja upp seiglu og notum kærleiksáttavita sem leiðarvísi að notalegum tilfinningum.

Umfjöllunarefni

• Hugarfarið – viðhorf, taugakerfi, tilfinningar og viðbrögð
• Streita og endurheimt – drifkerfi og sefkerfi, núllstilling og núvitund
• Styrkleikamiðuð nálgun – styrkleikar, gildi, virðing og mörk
• Grunnviðhorf – ytra og innra virði

Ávinningur

• Opnara hugarfar og aukið innra jafnvægi
• Heilbrigðari tengsl við okkur sjálf og aðra
• Aukið sjálfsöryggi – ásetningur, styrkleikar og innri gildi
• Aukinn sveigjanleiki og mildi