Á þessu námskeiði skoðum við leiðir til að styrkja sjálfsvirðingu, setja heilbrigð mörk og
byggja upp samskipti sem styðja vellíðan.

Samskipti hafa djúp áhrif á líðan okkar, sjálfstraust og tengsl við aðra. Á þessu námskeiði skoðum við hvernig samskipti mótast, hvaða þættir hafa áhrif á tengslamyndun og hvernig við getum byggt upp heilbrigðari og sterkari tengsl.

Við skoðum hvernig hugsanir, tilfinningar og viðbrögð geta haft áhrif á samskipti okkar og
hvernig við getum lært að staldra við, skilja betur eigin kveikjur og velja meðvitaðri viðbrögð.

Þátttakendur fá innsýn í hvernig hægt er að losa sig úr óheppilegum samskiptamynstrum
og læra leiðir til að standa betur með sjálfum sér og eigin gildum í samskiptum.

Á námskeiðinu er einnig unnið með þætti eins og sjálfsvirðingu, mörk, meðvirkni, skömm
og valdabaráttu og hvernig aukinn skilningur og breytt viðhorf geta stuðlað að heilbrigðari
samskiptum.

Umfjöllunarefni

• samskiptamynstur og tengslahegðun
• sjálfsmynd, styrkleikar og gildi
• tilfinningaviðbrögð og kveikjur
• virðing og heilbrigð mörk
  

Ávinningur

• aukin sjálfsvirðing og kjarkur til að setja heilbrigð mörk
• betri skilningur á eigin tilfinningum og viðbrögðum
• aukin vitund um gildi og viðhorf
• verkfæri sem bæta samskipti og tengsl