Heilbrigð samskipti og mörk

Námskeiðið fjallar um samskipti, tengsl og tengslamyndun og hvernig atferli og
viðbrögð hafa áhrif á þróun samskipta. Við skoðum virka hlustun,
tilfinningaviðbrögð og kveikjur og hvernig atferli okkar og viðhorf geta skipt sköpum
í þróun samskipta.  

Þátttakendur kynnast aðferðum sem hjálpa okkur að aftengjast óheppilegum
hugsunum og ósjálfráðum varnarháttum. Einnig hvernig við getum náð tökum á
viðbrögðum okkar með því að staldra við og velja viðbragð.

Við veltum fyrir okkur þáttum eins og sjálfsvirðingu, meðvirkni, fyrirgefningu,
skömm, valdabaráttu og sjálfsniðurrifi og hvernig breytt viðhorf og viðbrögð okkar
sjálfra geta brotið upp óheilbrigt samskiptamynstur. Einnig skoðum við leiðir sem
hjálpa okkur að standa með okkur sjálfum og gildum okkar þegar á reynir.
 
Umfjöllunarefni

• Þóknunarhegðun, viðhorf, virðing og mörk
  
• Atferli og samskiptamynstur – sjálfstraust, tengslahegðun og túlkanir
  
• Sjálfsmyndin –  styrkleikar, gildi, ytra virði og innra virði
  
• Núvitund og samkennd

Verkfæri

• Uppbyggingarkenningar jákvæðrar sálfræði
  
• ACT módelið – sveigjanleigur hugur og gildi
  
• Tilfinningamódel
  
• Upplifunaræfingar

Ávinningur

• Aukin sjálfsvirðing og kjarkur til að setja mörk
  
• Aukinn þekking á innri gildum og viðhorfum
  
• Aukin skilningur á tilfinningaviðbrögðum
  
• Heilbrigðari tengsl við okkur sjálf og aðra