Námskeiðið fjallar um ótta og hvernig við stjórnumst mörg af honum í okkar daglega lífi. Við veltum fyrir okkur ótta, skömm og sjálfsmati. Ótta fylgja líkamleg, sálfræðileg og andleg einkenni sem við getum lært að þekkja og afkóða til að styrkja og bæta geðheilsu og líðan.
 
Við fjöllum einnig um hugrekki í daglegu lífi og hvernig við komumst í flæði. Farið verður gegnum skref sem hjálpa okkur að efla hugrekki og gera hlutina öðruvísi en við erum vön þegar við finnum fyrir ótta.
 
Áhersla er lögð á að efla sjálfsumhyggju, seiglu og sjálfsvirði út frá aðferðum sem vinna með taugakerfinu og hjálpa okkur að aftengjast óheppilegum hugsana- og vanamynstrum.
 
Hver tími endar á jóga nidra slökun með ásetningi.

Umfjöllunarefni

• Hvað er ótti og hvernig getum við tekist á við hann? - Birtingarmyndir ótta
• Skömm – rætur skammarinnar og tenging við ótta og sjálfsmat
• Hvað er hugrekki og hvernig getum við virkjað það?
• Sjálfsumhyggja og sjálfsvirði

Ávinningur

• Opnara hugarfar og aukið innra jafnvægi
• Aukið hugrekki til að fylgja draumum sínum og löngunum
• Aukin seigla og sjálfsumhyggja
• Heilbrigðari tengsl og aukin sjálfsvirðing
• Meiri lífsánægja