Lífslyst býður upp á fræðslu fyrir þá sem vinna með börn og vilja efla uppbyggileg samskipti og styrkja jákvæða sjálfsmynd þeirra.

Á fyrirlestrum og námskeiðum er lögð áhersla á að skapa tilfinningalegt öryggi í samskiptum og styðja börn í að þróa sjálfstraust, samkennd og trú á eigin getu.

Fræðslan byggir á aðferðum jákvæðrar sálfræði og Polyvagal kenningu dr. Stephen
Porges sem hjálpar okkur að skilja betur hvernig taugakerfið hefur áhrif á tilfinningar,
hegðun og samskipti.

Tilfinningaviðbrögð og samspil

Í samskiptum við börn er mikilvægt að skilja að hegðun þeirra er oft tengd tilfinningaviðbrögðum og streitu í taugakerfi.

Á námskeiðinu er lögð áhersla á að aðskilja persónu barnsins frá hegðun þess og skoða hvernig varnarviðbrögð geta komið fram þegar börn upplifa óöryggi eða álag. Þátttakendur fá innsýn í hvernig aukinn skilningur og uppbyggileg viðbrögð geta hjálpað börnum að:

• skilja eigin tilfinningar betur
• læra að tjá sig á uppbyggilegan hátt
• styrkja sjálfsmynd og sjálfstraust
• þróa heilbrigð samskipti við aðra
  

Tilfinningamódel

Eitt af verkfærum Lífslystar er tilfinningamódel þar sem litir eru notaðir á myndrænan hátt til að útskýra tilfinningar og hegðun.

Módelið er myndrænt og hjálpar börnum að:

• átta sig á eigin tilfinningum
• skilja hvað gerist þegar eitthvað kemur upp á í samskiptum
• sjá tengsl milli tilfinninga, hugsana og viðbragða
• finna leiðir til að ná aftur jafnvægi

Þessi nálgun auðveldar börnum að tala um tilfinningar sínar og styrkir hæfni þeirra til að
takast á við áskoranir í samskiptum.

Markmið fræðslunnar

Markmiðið er að styðja börn í að:

• efla sjálfsskilning og samkennd
• byggja upp jákvæða sjálfsmynd
• þróa betri samskiptafærni
• styrkja bjartsýni og trú á eigin getu

Helstu áherslur

• heilbrigð samskipti, sjálfsskilningur og mörk
• hugur, tilfinningar og túlkun aðstæðna
• styrkleikar og gildi
• Sköpun, virkni og áhugahvöt í námi og samskiptum